Гомель: сваякі гадзінамі дзяжураць каля судоў і ІЧУ
Паводле неафіцыйнай інфармацыі, колькасць затрыманых у Гомелі за два дні пратэстаў складае больш за 500 чалавек.
Сваякі дзяжураць гадзінамі каля судоў і ізалатяра часовага ўтрымання, каб атрымаць інфармацыю пра сваіх родных:
– Цэлы дзень паміж судамі ездзіў. Усім да лямпачкі! Не, каб вывесіць спіс, каго затрымалі, але нікому няма справы.
– З вечара мы чакалі да раніцы выніку. З раніцы пачалі тэлефанаваць.
– Тут сябар знаходзіцца. Проста на рагу стаяў на Савецкай і глядзеў. Радаваліся вынікам выбараў. Проста пад’ехаў аўтазак. Забралі двух нашых сяброў. Аднаму далі дзесяць сутак, другому – 40 базавых і дзесяць сутак.
Сваякі затрыманых сцвярджаюць, што месцаў у ізалятары ўжо не хапае, а таму затрыманых могуць накіроўваць у СІЗА.
Цалкам матэрыял у далучаным файле:
Беларускае Радыё Рацыя, Гомель
Глядзіце таксама
