Гомельскіх журналістаў затрымалі ў Лоеве
Супрацоўнікі міліцыі ўмяшаліся ў працу відэааператараў Кастуся Жукоўскага і Аляксея Атрошчанкі, калі тыя здымалі сюжэт пра эканамічныя і сацыяльныя праблемы райцэнтра.
Паводле словаў Кастуся Жукоўскага, ён з калегам не паспелі адзняць некалькі кадраў з лоеўскім заводам па вырабе цэглы, як да іх пад’ехалі міліцыянты. У грубай форме журналістаў затрымалі, пры гэтым маглі пашкодзіць апаратуру. Міліцыянты надзелі на аператараў кайданкі. Кастусь Жукоўскі заяўляе, што праз збіццё ў яго ўзняўся артэрыяльны ціск.
На гэты момант журналісты Кастусь Жукоўскі і Аляксей Атрошчанка знаходзяцца ў будынку Лоеўскага РАУС.
Беларускае Радыё Рацыя
Глядзіце таксама
