Гомельскія актывісты збіраюцца на суд над Комлікам і Фядынічам
Гомельскія дэмакратычныя актывісты збіраюцца на суд над прафсаюзнымі лідарамі Ігарам Комлікам і Генадзем Фядынічам. На сёння вядома, што ў Менск паедзе група падтрымкі з 10-ці чалавек. Старшыня Аб’яднанай грамадзянскай партыі Васіль Палякоў перакананы, што грамадзяне павінны праявіць салідарнасць з кіраўнікамі незалежнага прафсаюза РЭП, якіх судзяць па палітычна матываванай справе.
– З Гомеля збіраецца паехаць каля 10 чалавек – гэта грамадскія актывісты, прадстаўнікі АГП прафсаюза РЭП. У гэтыя дні мы мусім падтрымліваць прафсаюз, таму што гэта грамадзянская салідарнасць. Гэта наступленне ўладаў на грамадзянскую супольнасць. Калі мы не будзем падтрымліваць адзін аднаго, то заўтра ўлада прыйдзе за партыйцамі. Паслязаўтра – за грамадскімі арганізацыямі. І гэта можа быць бясконца.
Odtwarzacz plików dźwiękowych
Суд над кіраўніцтвам прафсаюза РЭП пачнецца 30 ліпеня ў 11.30 у судзе Ленінскага раёна Менска. Пасяджэнне будзе адкрытым.
Беларускае Радыё Рацыя, Гомель
Глядзіце таксама
