Ідзе збор подпісаў за пашырэнне беларускай мовы на дзяржтэлебачанні
«Мы не просім пашырэння беларускай мовы на дзяржаўным тэлебачанні да 100% эфірнага часу, таму што жыхары Беларусі могуць гэтага не зразумець. Мы просім павелічэння вяшчання дзяржаўных тэлеканалаў на беларускай мове да 50%. Спадзяюся, вы нас пачуеце», — звяртаюцца да Міністэрства інфармацыі энтузіясты.
На іх погляд, тэлебачанне — адна з асноўных крыніц папулярызацыі мовы, але відавочна, што ніякай роўнасці дзвюх дзяржаўных моў там сёння няма. Усе навіны і тэлеперадачы ў асноўным, дэманструюцца па-руску, ідзе «дэпапулярызацыя беларускай мовы».
На дадзены момант пад петыцыяй падпісаліся 233 чалавекі, плануюць сабраць яшчэ 167, і праз 25 дзён накіраваць зварот у Міністэрства інфармацыі, піша nn.by.
Глядзіце таксама
