Ігар Бублікаў: Суд зноўку адклалі
У судзе Кастрычніцкага раёна Гародні 13 кастрычніка 2020 года павінен быў адбыцца разгляд справы журналіста Ігара Бублікава.
Пра пасяджэнне распавядае сам журналіст:
– У гэты раз я прыйшоў з адвакатам, і як звычайна – “разбор палётаў”, пачаў удакладняць, пытацца паказанні сведкаў. І дамовіліся пра тое, што зноў перанясуць суд, што будзе мой сведка, будзе двое сведкаў з міліцыі, нават трое – там яшчэ нейкі Палякоў. І перанеслі на тыдзень.
РР: Я так разумею, што вам трэба прадаставіць дакументы пра вашу дзейнасць?
– Так, трэба будзе прадаставіць пасведчанне аб рэгістрацыі, з падатковай прынесці, што я плачу падаткі, і тое, дзе мой сайт зарэгістраваны.
Падтрымаць журналіста прыйшло каля дзясятка калег з розных СМІ, якіх толькі пасля 15 хвіліннай спрэчкі пусцілі на пасяджэнне да Ігара Бублікава.
Беларускае Радыё Рацыя
Фота Сяргея Апановіча
Глядзіце таксама
