Ігар Случак: У хакеі мова выкарыстоўваецца найменш
Усе 11 клубаў беларускай хакейнай экстралігі атрымалі зварот ад грамадскай ініцыятывы “Справаводства па-беларуску” з прапановай шырэй выкарыстоўваць беларускую мову ў сваёй спартовай дзейнасці.
Паводле каардынатара ініцыятывы Ігара Случака, як раз у беларускім хакеі родная мова выкарыстоўваецца найменш:
– На жаль у мінулых гадах беларуская мова ў беларускім хакеі наогул не выкарыстоўвалася. У канцы месяца будзе выбірацца новы старшыня Беларускай федэрацыі хакея, я на гэта таксама ўскладаю надзею.
4-га верасня распачаўся чарговы чэмпіянат Беларусі па хакеі ў экстралізе. Ігар Случак спадзяецца, што ў гэтым сезоне беларуская мова нарэшце прыйдзе і ў хакейныя спаборніцтвы.
Васіль Кроква, Беларускае Радыё Рацыя
