II Беларуска-нямецкі НДА Форум па наладжванні партнёрстваў
14 снежня 2018 г. у Менску адбудзецца II Беларуска-нямецкі НДА Форум па развіцці супрацоўніцтва і наладжванні кантактаў паміж нямецкімі ды беларускімі некамерцыйнымі арганізацыямі.
У праграме форуму – прадстаўленні вынікаў беларуска-нямецкіх праектаў за 2018 г., магчымасцей, якія прапануе Германія для Беларусі, знаёмства з прадстаўнікамі/цамі як мінімум 10 нямецкіх арганізацый, што працуюць у галіне сацыяльных праектаў, экалогіі, валанцёрства, моладзі, культуры і мастацтва, супрацьдзеяння распаўсюджанню ВІЧ/CНІД, працы з дзецьмі з аўтызмам ды не толькі.
Беларускія і нямецкія ўдзельнікі/цы змогуць непасрэдна пазднаёміцца паміж сабой у фармаце „сусветнага кафэ”, разам падумаць пра тое, як палепшыць супрацоўнітва, знайсці партнёраў для сумесных праектаў.
Удзел у Форуме бясплатны, колькасць месцаў абмежаваная, таму неабходна папярэдняя рэгістрацыя.
15 снежня 2018 г. можна будзе працягнуць знаёмства з нямецкімі спецыялістамі/камі, запрасіўшы іх да сябе ў арганізацыі, а таксама паўдзельнічаць у вялікім кірмашы ініцыятыў, што арганізваны МАЦ „Фіяльта”
Папярэднюю праграму Форума можна спамаваць па гэтай спасылцы. Зарэгістравацца можна па 10 снежня 2018 г. уключна (нядзеля), скарыстаўшыся анлайн формай.
Форум арганізаваны як частка праекта „Прафесійны абмен і супрацоўніцтва паміж прадстаўнікамі беларускіх і нямецкіх НДА”, які ажыццяўляецца за фінансавай падтрымкай МЗС Германіі.
Арганізатары: ОДБ Брусель, ЗБС „Бацькаўчшына”, Кооп Форум Інтэрнацыяналь
Паводле прэс-рэліза
Глядзіце таксама
