Інфармацыйная кампанія пра Малы памежны рух
У Берасці актывісты грамадскай арганізацыі «Вольны горад» раздавалі ля польскага консульства буклеты, пра тое, якім чынам Малы памежны рух працуе ў нашых суседзяў — ва Украіне і Расеі.
І ў нас жыхары Берасця, Маларыты, Пружанаў, Камянца маглі б наведваць Польшчу без візаў, калі б беларускі бок не зацягваў ратыфікацыю дамовы, кажа актывістка «Вольнага гораду» Паліна Шарэнда-Панасюк:
— Каля польскага кансуляту звычайна збіраецца вялізная чарга ў некалькі сотняў чалавек. І гэтыя сотні людзей стаяць практычна кожны дзень і кожны з іх плаціць даволі вялікія грошы. Мяркую, большасць з іхй і не падазраюць, што ёсць такі Малы памежны рух, якім людзі, што жывуць у прымежных раёнах, могуць скарыстацца.
Пакуль мажлівасць наведваць краіну-суседку без візаў ёсць толькі ў тых беларусаў, якія жывуць на мяжы з Латвіяй.
[Not a valid template]
Беларускае Радыё Рацыя, Берасце
Глядзіце таксама
