Каля Ліды пройдзе фэст, прысвечаны Дню беларускай вайсковай славы
У суботу 10-га верасня ў аграсядзібе “Гасьціна”, што ў Лідскім раёне, пройдзе фэст, прысвечаны Дню беларускай вайсковай славы. У праграме фэсту: выступ бардаў, паэтаў і артыстаў, а таксама выстава работ мясцовых мастакоў.
Арганізатары абяцаюць тым, хто наведае фестываль, гасцінную беларускую атмасферу і добры пачастунак, гаворыць сябра аргкамітэту фестываля Валер Мінец:
– Запрашаем усіх 10-га верасня на фэст у аграсядзібу “Гасціна”, што ля вёскі Пескі. Фэст адбудзецца ў гонар Дня беларускай вайсковай славы. Будзе атмасфера абсалютнай беларускасці. Чакаем усіх!
У праграме – выступ мясцовых бардаў і гасцей фестывалю, такіх як Сяргей Чарняк, Алесь Мацкевіч, Зміцер Бартосік, Андрэй Мельнікаў. Паэтаў – Міхася Скоблы і Змітра Захарэвіча. А таксама выступ гурта “Bar Akaryna” і артыста Алега Лазоўскага, а таксама выстава твораў мясцовых мастакоў.
Падчас фестывалю можна будзе адразу на месцы падпісацца на газету “Наша слова”.
Пачатак фестывалю а 18-й гадзіне ў аграсядзібе “Гасьціна”, што месціцца на шашы Слонім – Ліда.
Андрэй Панямонаў, Беларускае Радыё Рацыя
Фота аўтара
Глядзіце таксама
