Канюк пра „справу медыкаў”: шэрагу асоб змянілі меру стрымання
Генеральны пракурор Аляксандр Канюк расказаў пра колькасць паступіўшых у суд крымінальных спраў у дачыненні да медыкаў.
„На сёння паступілі чатыры справы ў адносінах да пяці фігурантаў, у тым ліку намесніка міністра аховы здароўя”, – сказаў Аляксандр Канюк. Шэрагу асоб зменена мера стрымання з узяцця пад варту на больш мяккую, дадаў ён.
У сувязі з гэтым генеральны пракурор адзначыў, што ў заканадаўства аб дзяржзакупках уносяцца пэўныя змяненні, прызначаныя мінімізаваць карупцыйныя рызыкі. Адказваючы на пытанне аб іншых заканадаўчых змяненнях, Аляксандр Канюк сказаў, што артыкулаў, якія прадугледжваюць адказнасць за службовыя злачынствы, на сёння дастаткова.
У Генеральнай пракуратуры адбылося пасяджэнне рэспубліканскай каардынацыйнай нарады па барацьбе са злачыннасцю і карупцыяй пад старшынствам Аляксандра Канюка. У яго рабоце прынялі ўдзел кіраўнік Адміністрацыі Прэзідэнта Наталля Качанава, старшыня Камітэта дзяржаўнай бяспекі Валерый Вакульчык, начальнік Аператыўна-аналітычнага цэнтра пры Прэзідэнце Беларусі Андрэй Паўлючэнка.
