Каронавірус: сітуацыя з COVID-19 на вечар 17 сакавіка
Колькасць інфікаваных COVID-19 на вечар 17 сакавіка па ўсім свеце перавысіла 196 тысяч чалавек. На планеце больш 150 краін, дзе выявілі каронавірус.
Такія лічбы падаюцца на партале Worldometer, а таксама на рэсурсе gisanddata.maps.arcgis.com, дзе ў рэжыме рэальнага часу публікуюцца абноўленыя статыстычныя звесткі.
Паводле афіцыйных звестак у пяцёрку краін па колькасці пацверджаных выпадкаў захворвання уваходзяць:
Кітай (80 881 чалавек);
Італія (31 506) — 3 526 новых выпадкаў за суткі, ажно 345 новых смерцяў (усяго ў Італіі 10 349 (!) новых інфікаваных за апошнія трое сутак;
Іран (16 169) — 1 178 новых выпадкаў за суткі, яшчэ 135 смерцяў;
Іспанія (11 409) — 1 467 новых выпадкаў за суткі, яшчэ 168 смерцяў;
Германія (9 352) — рэкордныя для краіны 2080 новых выпадкаў за суткі, яшчэ 7 памерлых.
Паўднёвая Карэя ўпершыню апусцілася на 6-е месца (8320), далей ідуць Францыя (7730) і ЗША (5 871) — у кожнай з гэтых краін выяўлена больш 1 тысячы новых выпадкаў. Замыкае дзясятку Швайцарыя (2742) і Вялікабрытанія (1950).
Усяго на планеце ўжо 15 краін, дзе колькасць захварэўшых перавысіла 1 тысячу чалавек. Акрамя пералічаных вышэй дзяржаў, гэта Нідэрлянды, Нарвегія, Швецыя, Бельгія і Аўстрыя.
Колькасць смяротных зыходаў перавысіла 7 тысяч 900 чалавек.
З іх больш 3 тысяч чалавек – ахвяры эпідэміі ў кітайскай правінцыі Хубэй, другое месца ў гэтым змрочным шэрагу займае Італія – 2 503 памерлых.
Беларускае Радыё Рацыя
