Каталікі і пратэстанты сустрэлі Светлае Уваскрасенне Хрыстова
Каталікі і пратэстанты сустрэлі адзін з найважнейшых святаў – Светлае Уваскрасенне Хрыстова. Вялікдзень – гэта найстаражытнае хрысціянскае свята, якое пачалі адзначаць яшчэ ў часы апосталаў.
У Пінску ўрачыстыя набажэнствы адбыліся ў двух касцёлах – святога Бенедыкта ды Унебаўзяцця Найсвяцейшай Дзевы Марыі. Наш карэспандэнт пацікавіўся ў пінчукоў-каталікоў з якімі пачуццямі яны сустрэлі сёлетні Вялікдзень:
– Мы дачакаліся Ісуса, які прйшоў выратаваць нас ад усіх грахоў, якія рабілі людзі да яго ўваскрасення. Вось ён сваёй смерцю адкупіў ад гэтага граху.
– Вялікае сямейнае свята, якое адзначаецца ў коле сям’і. Яно нясе ўсё ж такі нейкае дабро ў нашы душы і свет.
– Гэта традыцыя добрых спраў, светлых святаў. Адзін з галоўных сямейных святаў. Вера ў Бога – гэта і ёсць сямейнае адзінства.
– Вялікае свята – Ісус Хрыстос аддаў сваё жыццё за звесь наш народ.
Ад сёння ў каталікоў пачынаецца Вялікодны тыдзень, які суправаджаецца набажэнствамі ў касцёлах і гуляннямі ў гонар Уваскрэсення Хрыста.
Беларускае Радыё Рацыя
Глядзіце таксама
