Хто і чым павінен дапамагаць уцекачам? Апытанне ў Пінску
Паводле апошніх дадзеных Дзяржаўнага памежнага камітэта, за шэсць месяцаў агрэсіі Расеі, з Украіны ў Беларусь прыбыла звыш 48,5 тысяч чалавек. У сваю чаргу Беларускі Чырвоны Крыж паведамляе, што ў іх пад патранажам знаходзіцца каля 5 тысячаў украінцаў з якіх амаль тысяча – дзеці. І ім трэба дапамога часам у самых простых рэчах.
“Хто і чым павінен дапамагаць бежанцам?”, – такое пытанне нашае радыё задало мінакам на вуліцах Пінска:
– Трэба даць працоўныя месцы, і не толькі ўкраінцам, а ў нас таксама вельмі дрэнна з працай. Ведаеце, як называецца – мне б хто дапамог.
– Як дапамагаць – гэта ж пытанне ўладаў, калі ўлады прымаюць рашэнне, дазваляюцт ім уезд, значыць мусіць нэтым займацца.
– А чым я магу дапамагчы? Толькі падтрымаць маральна.
– Нешта можам самі. У мяне вось дачка збірала хадзіла ў краме нейкай набыла кілаграм крупаў, кілаграм макарон і склала.
Дарачы, яшчэ ў сакавіку на Берасцейшчыне і Гомельшчыне былі ўтвораныя абласныя штабы па падтрымцы ўкраінскіх бежанцаў. Іх галоўная задача даць пры неаходнасці жыллё і забяспечыць працай. Але пакуль пра актыўнасць структур не чуваць.
Беларускае Радыё Рацыя
