«Кіберпартызаны» ўзламалі сайт баранавіцкай дзяржаўнай газеты
«Кіберпартызаны» паведамілі пра ўзлом сайта баранавіцкай дзяржаўнай газеты «Наш край».
Цытата з іх звароту ў тг-канале: «Беларусы пазбаўленыя магчымасці адзначыць Дзень Волі дома, а ўсе незалежныя СМІ выціснутыя з краіны. Таму мы ўзламалі залежныя СМІ, каб з іх старонак прагучалі віншаванні са святам».
Упершыню сайт гэтага баранавіцкага выдання ўзламалі 5 верасня 2022 года, калі «Кіберпартызаны» адзначалі двухгоддзе з дня свайго з’яўлення. Тады на аднаўленне ў прарэжымнага СМІ пайшло некалькі дзён.
Беларускае Радыё Рацыя
