Кітайцы ўцяклі са Светлагорска?
Кітайскія рабочыя пакінулі завод беленай цэлюлозы ў Светлагорску нібыта з нагоды святаў. Завод прапрацаваў толькі 72 гадзіны на 80% магутнасці, пасля чаго спыніўся.
Але, паводле неафіцыйнай інфармацыі, кітайскія інвестары пакінулі завод, кажа сябра праваабарончага цэнтра “Вясна” Алена Маслюкова:
– Кажуць звінцілі ўсе платы, якія кіруюць заводам, і звезлі ў Кітай. Пачалі вывозіць дакументацыю.
Па словах праваабаронцы, хутчэй за ўсё, гэты інвестыцыйны праект праваліўся. Акрамя больш мільярда кітайскага крэдыту, які ўжо ўкладзены ў завод, патрэбна яшчэ шмат сродкаў. Як тут не прыгадаць прапанову аўстрыйцаў, якія абяцалі за мільярд пабудаваць сучасны завод з адбельваннем праз кісларод, але тады грошай не знайшлося:
– Мы знайшлі прывязаны да Кітая крэдыт, а зараз мы расхлёбваем. Куды пайшлі тыя грошы – гэта вельмі цікава. На гэтым заводзе піляць усё, а каму ў кішэню – гэта не наша справа. Гэта справа Следчага камітэта, пракуратуры, яны павінны гэтым займацца.
Алена Маслюкова
Цалкам рэпартаж слухайце ў далучаным файле:
Паводле Алены Маслюковай, нават бярозы, якімі быў абсаджаны завод і якія засохлі, прывезены з Польшчы па 50 рублёў за штуку. Няўжо сваіх дрэў не хапіла?
Беларускае Радыё Рацыя
