Колькасць хворых на COVID-19 у Глыбокім за тыдзень вырасла ў 6 разоў
У Глыбоцкім раёне за тыдзень колькасць хворых на каронавірус вырасла ў шэсць разоў, пішуць „Народныя навіны Віцебска”.
У гэтым рэгіёне, які знаходзіцца паміж Пастаўскім і Докшыцкім раёнамі, дзе эпідэміялагічная сітуацыя ўжо даўно дрэнная, колькасць тых, хто захварэў, пачала імкліва расці.
Яшчэ тыдзень таму, 21 красавіка, там было толькі чатыры выпадкі COVID-19, прычым першы пацыент вылечыўся і выпісаўся. Аднак па стане на 26 красавіка медыкі выявілі ўжо 24 выпадкі каронавіруса. Прычым у шасці пацыентаў дыягнаставалі пнеўманію. Такім чынам, за 6 дзён колькасць хворых на COVID-19 вырасла ў шэсць разоў.
Трэба адзначыць, што Докшыцкі і Пастаўскі раёны ўжо працяглы час не паведамляюць абноўленую інфармацыю аб эпідэміялагічнай сітуацыі.
Фота news.vitebsk.cc
Глядзіце таксама
