«Комсомольская правда» закрывае прадстаўніцтва ў Беларусі
«Комсомольская правда» закрывае сваё прадстаўніцтва ў Беларусі. Пра гэта паведаміла само расейскае выданне.
“Прааналізаваўшы падзеі апошняга года і асабліва апошняга тыдня, “Комсомольская правда” прыняла рашэнне закрыць сваё прадстаўніцтва ў Менску. Усім супрацоўнікам будуць выплачаныя грашовыя кампенсацыі або прапанаваная праца на іншых прадпрыемствах КП”, — гаворыцца ў паведамленні.
Нагадаем, што пасля страляніны на Якубоўскага быў заблакаваны сайт выдання, а журналіст „КП” Генадзь Мажэйка быў затрыманы.
Фота: marketing.by
