Крамы сэканд-хэнд набіраюць папулярнасць у Берасці
Па дадзеных інтэрнэт пошукавікаў у Берасці працуюць не менш за трыццаць крамаў second–hand. «І гэтая лічба расце», — запэўніваюць сталыя кліенты такіх крамаў і выказваюць сваю версію чаму second–hand становіцца папулярным:
— Я лепш сабе кофтачку куплю за 5-10 рублёў чым у суседняй краме за 150. Гэта па-першае, а па-другое тут можна знайсці вельмі цікавыя мадэлі.
РР: А вы сталы кліент сэканд-хэнда?
— Так. Я напэўна ўжо гадоў дваццаць наведваю сэканд-хэнды. Практычна ўсё, што на мне ёсць — гэта сэканд-хэнд.
РР: А можа вы заўважылі, ці становіцца такіх крамаў больш з года ў год?
— Больш.
РР: А як вы думаеце, з чым гэта звязана?
— З эканамічным станам нашага насельніцтва.
Як выявіла апытанне на вуліцы, берасцейцы купляюць як ужываныя так і новыя рэчы, а некаторыя нават шыюць вопратку па замове. Пераважная большасць зазначыла што прывабнасць крамаў second–hand звязана з коштам. Ёсць і тыя, хто ніколі не заходзіць у крамы патрыманых рэчаў.
Поўны матэрыял слухайце ў далучаным гукавым файле:
Мікола Ляшкевіч, Беларускае Радыё Рацыя, Берасце
