Краязнаўчы квэст распрацавалі прадстаўнікі музею Камянецкая вежа
У ім будуць змешчаныя адмысловыя заданні на тэму гісторыі гораду. Квэст плануецца надрукаваць у выглядзе буклету.
Загадчык філіялу берасцейскага краязнаўчага музею Камянецкая вежа Таццяна Казулька распавяла пра механізмы квэсту:
– Выбіраецца дзве групы, ці адна група. Гэта могуць быць школьнікі, могуць быць дарослыя людзі. Ім даецца 15 пытанняў, яны іх вывучаюць уважліва і павінны адказаць, а для таго каб адказаць, яны павінны ведаць гісторыю горада альбо з ёй пазнаёміцца, бо да кожнага пытання мы даем інфармацыю.
Працягласць квэсту – паўтары – дзве гадзіны. Мэтаваю аўдыторыяй краязнаўчай гульні стануць шкаляры старэйшага ўзросту, а таксама дарослыя.
Беларускае Радыё Рацыя, Камянец
Глядзіце таксама
