Леанід Дубаносаў: Усе разам мы здолелі адстаяць свае правы
Вырашылася праблема інтэрнатаў у Мікашэвічах. Як мы паведамлялі, людзей прымушалі падпісаць дамовы пра датаковыя платныя паслугі, у выпадку адмовы – нават пагражалі высяленнем. Цяпер жыхары атрымалі інфармацыю ад дырэктара камунальнай гаспадаркі, што дамову не трэба падпісваць.
Пра гэта расказаў мясцовы актывіст Леанід Дубаносаў, да якога людзі звярталіся па дапамогу:
– Дырэктар жыллёва-камунальнай гаспадаркі Мікашэвічаў сказаў, што аплата дадатковых палуг адмяняецца. Высяляць нікога не будуць. Не будзе ў гэтым годзе капрэмонт ізаляваных тэхнічных збудаваняў у інтэрнатах. Калі б мы не збіралі подпісы і калі б людзі не пратэставалі і не выйшлі на сход, дык невядома, як было б. Гэта яшчэ раз даказвае, што людзі павінны абараняць свае правы. Не па адным – а разам.
Раней Леанід Дубаносаў, на падставе звароту людзей, склаў заяву і накіраваў яе ў адказныя органы. У выніку ўлады, у тым ліку, камунальнікі, – пайшлі на саступкі.
Беларускае Радыё Рацыя
Глядзіце таксама
