„Лепш на барыкады, чым на такія выбары”
У Беларусі працягваецца выбарчая кампанія, як гэта дазваляе каронавірусная пандэмія. Сфармаваны па старой схеме раённыя камісіі, абраны іх старшыні і сакратары.
Другі дзень ідзе збор подпісаў за кандыдатаў, пра што ў рэгіёнах Берасцейшчыны амаль нічога не ведаюць і на выбары бальшыня апытаных не пойдзе, таму што бессэнсоўна, кажуць людзі:
– Бачу, што тут вельмі шмат гульні Масквы: Ціханоўскі, Бабарыка ды іншыя. Я ў выбарах не прымаю ўдзел.
– Нічога я не ведаю пра выбары, нічога не хачу і туды я не пайду.
– За Лукашэнку ж не буду – зразумела. Калі не пойдзеш, то за мяне паставяць.
– Я выбараў не разумею, я б лепш пайшла на барыкады, чым на такія выбары, як у нас.
– Пра выбары я нічога не ведаю. Куды я пайду, чаго я пайду? За каго там галасаваць?
Выбары ў Беларусі пройдуць 9 жніўня. 15 прэтэндэнтаў у кандыдаты распачалі пікеты па збору подпісаў на вуліцах Менска. У рэгіёнах Берасцейшчыны пакуль цішыня.
Беларускае Радыё Рацыя
