Лукашэнка абвясціў перамогу над каронавірусам
Аляксандр Лукашэнка заявіў, што беларуская сістэма аховы здароўя «годна выстаяла ў барацьбе з каронавірусам».
«Наша сістэма аховы здароўя выстаяла. Але мы не зніжаем градус барацьбы, хоць ужо сёння можна сказаць: мы перамаглі. І пасля канчатковай перамогі над СОVID-19 абавязкова асобна сустрэнемся з нашымі лекарамі, якія сёння ўсё яшчэ на варце», – цытуе Аляксандра Лукашэнку БелТА.
Заява была зробленая падчас цырымоніі ўзнагароджання прадстаўнікоў медычнай галіны і сілавых структураў. Сярод іх вайскова-палявы хірург Уладзімер Корык, рэктар Гарадзенскага медычнага ўнівэрсітэта Віктар Сняжыцкі, начальнік галоўнага ўпраўлення наркакантролю і супрацьдзеянні гандлю людзьмі крымінальнай міліцыі МУС Аляксандр Высоцкі ды іншыя.
Тым часам кіраўніцтва Сусветнай арганізацыі здароўя заяўляе, што колькасць інфікаваных паўсюдна расце, гаворкі пра тое, што каронавірус пераможаны, няма.
Глядзіце таксама
