Лужыне ў Паўночным мікрараёне ў Баранавічах – 40 гадоў
Жыхары Паўночнага мікрараёна ў Баранавічах у гэтым годзе адсвяткуюць 40-гадовы юбілей вялікай лужыны ў іх мікрараёне. Калі гарадское начальства не парупіцца, каб ганебнага юбілею не было.
Усе 40 гадоў людзі змагаліся за рамонт гэтага ўчастка дарогі. У савецкія гады нават у часопіс “Кракадзіл” звярталіся. Але і да крытыкі ў “Кракадзіле” чыноўнікі заставаліся раўнадушнымі.
Лужына мае “вялікія заслугі”: у дрэннае надвор’е аўтобус не даходзіць да канцовага прыпынку і псуецца чыгунка, сумна жартуе спадар Мікалай Чарнавус:
– Калі мы 40 гадоў таму засяліліся сюды, дарожнікамі было зроблена галавацяпства: не зрабілі адводу ліўневых вод. І пасля кожнай зімы і кожнага дажджу вызываецца машына з вадаканала, якая збірае гэтую ваду. А калі не паспяваюць гэтага зрабіць – прабіваюць бардзюр і спускаюць пад чыгунку Ліда-Баранавічы, такім чынам псуючы чыгунку.
Odtwarzacz plików dźwiękowych
Паводле Мікалая Чарнавуса, зараз ідзе збор подпісаў пад зваротам да абласнога дэпутата Васіля Сухаверхага, каб дапамог нарэшце вырашыць гэтае пытанне. Інакш будзе першым госцем на банкеце ў гонар лужыны.
Беларускае Радыё Рацыя, Баранавічы
Фота intex-press.by
Глядзіце таксама
