Люстрацыя: ці патрэбна яна ў Беларусі?
Адным з самых складаных і найважнейшых пытанняў будаўніцтва новай дзяржавы з’яўляецца люстрацыя – ачышчэнне дзяржаўных органаў ад карупцыі, злоўжыванняў уладай, казнакрадства і іншай адмоўнай спадчыны посткамуністычнай мінуўшчыны.
Наконт люстрацыі у Беларусі апытаныя жыхары Бярозы аказаліся як ніколі аднадушнымі:
– Калі існуе закон, то ён павінен выконвацца. Калі нехта не выконвае закон, зразумела, што яго трэба за гэта пакараць. Люстрацыя нам патрэбная.
– Трэба. Таму што шмат людзей жыве не па сродках.
– Трэба, каб праверылі нашае начальства, дзе яны набралі столькі багацця, і чаму пенсіянеры жывуць за 200 даляраў пры такіх вялікіх коштах. Няма грошай для нас. Адкуль яны маюць столькі грошай?
– Зразумела, добра было б даведацца адкуль у іх багацце і на каго і для каго яны працуюць.
Але людзі ўпэўнены, што пры гэтай уладзе люстрацыя немагчымая. Савецкая спадчына ў выглядзе абману, крадзяжу, карупцыі, махлярства апутала ўсе галіны ўлады. Няма каму правяраць.
Беларускае Радыё рацыя, Бяроза
Фота abogadoruso.com
Глядзіце таксама
