Максім Барысевіч: Чальцы камісіяў спрабуюць пазбегнуць публічнасці
„Галасаванне паказала, што старшыні, як і чальцы ўчастковых выбарчых камісіяў больш за ўсё спрабуюць пазбегнуць публічнасці і агалошвання вынікаў для шырокай аўдыторыі”, – адзначае каардынатар назірання на Піншчыне Максім Барысевіч.
Паводле ягоных слоў, нервовая сітуацыя пачынаецца тады, калі назіральнікі спрабуюць сфатаграфаваць неабходныя дакументы:
– Нам у першую чаргу неабходна ажыццяўляць відэаздымку на ўчастку. Калі ёсць нейкае парушэнне, то яго неабходна зафіксаваць. Далей неабходна зрабіць фотаздымак пратакола. а пасля копію пратакола перадаць. Чальцы некаторых участковых выбарчых камісіяў кажуць, што фота і відэаздымка забаронена і неабходны спецыяльны дазвол – гэта не так.
Суразмоўца дадае, што Цэнтральная выбарчая камісія забараніла здымаць чальцоў камісіяў без іх згоды, але рабіць здымкі пратаколаў, як копіі, гэта не забаронена.
Беларускае Радыё Рацыя
