Сярод затрыманых у нядзелю – вядомыя асобы з розных сфер жыцця (абноўлена)
8 лістапада, падчас Маршу народаўладдзя, у Беларусі зноў былі затрыманыя сотні чалавек. Сярод іх шмат знакамітасцяў. Гэтак, паведамляецца, што сярод затрыманых Вольга Хіжынкова – Міс Беларусь-2008 і былая прэс-сакратарка «Дынама Берасце».
Таксама затрыманыя – вядоўца «Калыханкі» Аляксандр Ждановіч, больш вядомы як Маляваныч, зорка лёгкай атлетыкі, срэбны прызёр Алімпіяды Андрэй Краўчанка і Іван Ганін, пераможца Кубка свету па кікбоксінгу, сярэбраны прызёр чэмпіянату свету па кікбоксінгу. Таксама стала вядома, што на акцыі пратэсту затрымалі былога артыста Cirque du Soleil Сямёна Букіна.
Сярод затрыманых і Алесь Жлутка, 66-гадовы ўраджэнец Клічаўскага раёна Магілёўскай вобласці Алесь Жлутка — адзіны ў Беларусі спецыяліст па сярэднявечнай лаціне. Кандыдат філалагічных навук, ён доўгі час працуе ў Інстытуце гісторыі Акадэміі навук Беларусі.
У Віцебску была затрыманая маці палітвязня Паўла Севярынца, актывістка БХД Таццяна Севярынец, а ў Менску пляменнік сябра прэзідыўма Каардынацыйнай рады Паўла Латушка – Раман Латушка.
Не абмінулі затрыманні і журналістаў. Гэтак, затрыманыя карэспандэнты Ян Аўсяюшкін, Алена Шабуня, Арцём Лява, фатографы Святаслаў Зоркі і Віктар Талочка. Зоркага і Шабуню пасля выпусцілі. Сярод затрыманых ёсць і валанцёры Чырвонага крыжа.
Беларускае Радыё Рацыя
Фота: ТАСС
***
Сотні мірных дэманстрантаў затрыманыя ў розных гарадах краіны падчас традыцыйнага нядзельнага маршу прыхільнікаў перамен. Праваабаронцы паведамляюць пра больш як 1000 затрыманых. Пераважная большасць – у Менску.
Чарговая акцыя пратэсту называлася „Марш народаўладдзя”. У Мінску яе ўдзельнікі спрабавалі сабрацца каля гарадской ратушы, але ім гэта не ўдалося. Канцэнтрацыя сілавікоў сёння была асабліва высокай. Любыя спробы пратэстоўцаў сабрацца ў розных кропках горада спыняліся. Тым не менш дэманстрантам удалося як мінімум двойчы сфармаваць калону па некалькі тысяч чалавек і выйсці на праезную частку. Аднак у абодвух выпадках пратэстоўцаў разагналі.
Затрыманні адбываліся ў розных месцах горада. Кропкавыя адвольныя затрыманні працягнуліся ў Менску і пасля таго, як цэнтр горада быў зачышчаны ад дэманстрантаў. Сілавікі ганяліся за людзьмі нават у гандлёвых цэнтрах — у наведвальнікаў правяралі сумкі на наяўнасць бел-чырвона-белых сцягоў.
Беларускае Радыё Рацыя
***
На вячэрнюю акцыю салідарнасці выйшлі людзі на вуліцы Даўгабродскай.
***
Людзі выйшлі на вячэрнюю акцыю салідарнасці ў аграгарадку Прылукі Менскага раёна.
***
Колькасць затрыманых перавысіла 520 чалавек, паведамляе пазбаўлены акрэдытацыі праваабарончы цэнтр «Вясна». Затрымлівалі людзей у асноўным у Менску, а таксама ў некаторых іншых гарадах, у тым ліку Віцебску, Гародне, Гомелі, Бярозе, Пінску, Жлобіне, Бабруйску, Ляхавічах, Магілёве.
Тым часам затрыманую ў Віцебску журналістку «Белсата» Алену Шабуню адпусцілі.
***
Колькасць затрыманых сёння па ўсёй краіне перавысіла 380 чалавек, паведамляе пазбаўлены акрэдытацыі праваабарончы цэнтр «Вясна». Сярод затрыманых – у тым ліку і журналісты. Паведамляецца, што таксама затрыманы журналіст Арцём Лява.
Тым часам фатографа «Комсомольской правды» у Беларусі Святаслава Зоркага адпусцілі з РУУС.
***
На відэа патрапілі затрыманні людзей на Нямізе. Аднаго з затрыманых, як мяркуецца, людзі ў балаклавах збіваюць на праезнай часткі.
***
На відэа трапіў момант, як чалавека пераводзяць з аўтазака ў машыну хуткай дапамогі.
***
Ад відавочцаў працягваюць паступаць паведамленні аб тым, што людзі ў балаклавах пры затрыманні сёння збівалі людзей. Адзін з такіх інцыдэнтаў адбыўся ля крамы на вуліцы Куйбышава, гэта трапіла на відэа. «Якое вы маеце права біць затрыманага? – пытаецца жанчына ў людзей у балаклавах. – Вы перавышаеце паўнамоцтвы ». На відэа на адзнацы 0.27, як мяркуецца, адзін з людзей у балаклаве б’е затрыманага па твары.
***
Моманты затрыманняў на Нямізе каля гандлёвых цэнтраў трапілі на відэа. Жанчыны спрабуюць размаўляць з людзьмі ў балаклаве. «Перад кім ты выслужваецца?» – пытаецца адна з жанчын. «А вашы дзеці ўсё гэта ўбачаць, вы разумееце?» – пытаецца другая. «Паглядзіце, што вы робіце!» – крыкнула людзям у балаклаве яшчэ адна жанчына, яна паказвае на чырвоныя плямы на лесвіцы. Мяркуецца, што гэта кроў.
***
Машына ДАІ сёння перакрывала ўчастак МКАД для праезду ваеннай тэхнікі.
***
На відэа трапіў момант затрымання людзей на скрыжаванні Незалежнасці і Машэрава.
***
Вось як затрымлівалі людзей у пачатку праспекта Пераможцаў прыкладна з 12 да 13 гадзін.
***
У розных частках горада працягваюцца затрыманні. Зараз сілавікі затрымліваюць людзей у бізнес-цэнтра «Фарэнгейт».
На відэа таксама трапіў момант затрыманняў на вуліцы Куйбышава.
***
На Нямізе каля 30 хвілін назад пасля разгону людзей сілавікамі на тратуары ляжаў чалавек, паведамляе відавочца. Паводле яго слоў, на месца прыехаў АМАП, а хвілін праз 20 – і хуткая.
***
Вось як сёння невядомыя з дубінкамі і без апазнавальных знакаў затрымлівалі людзей на Нямізе ў раёне ГЦ «Метраполь».
***
Ля станцыі метро Пушкінская сёння перыядычна выстройваецца ланцуг салідарнасці. Людзей разганяюць, але яны зноў збіраюцца праз некаторы час.
***
Колькасць затрыманых сёння па ўсёй краіне перавысіла 280 чалавек, паведамляе пазбаўлены акрэдытацыі праваабарончы цэнтр «Вясна». Затрымлівалі ў асноўным у Менску.
Пры гэтым сёння затрымлівалі у тым ліку журналістаў, якія выконвалі сваю працу, людзей, якія гулялі па горадзе, жанчын з кветкамі ў руках, адзіночных веласіпедыстаў. У некаторых выпадках невядомыя ў балаклаве выцягвалі людзей з машын.
Затрыманні працягваюцца і цяпер у розных частках Менска, паведамляюць відавочцы.
***
На Нямізе зараз адбываюцца кропкавыя затрымання. Відавочцы паведамляюць, што сілавікі ў гэтым раёне перыядычна правяраюць людзей, якія праходзяць міма іх.
***
На вуліцы Якуба Коласа – затрыманні.
***
Затрыманне жанчын з кветкамі на Куйбышава.
***
У раёне пешаходнага моста праз Нямігу да буса сілавікоў выклікалі хуткую, спярша – звычайную, потым – рэанімацыю, паведамляюць відавочцы. Пацярпелага з буса перагрузілі ў хуткую. Мінакі крычалі сілавікам: «Фашысты!».
***
Менчукі паведамляюць, што заўважылі транспарт з сілавікамі ў раёне ГЦ „Рыга”. Зараз тут адбываюцца затрыманні.
***
ГУУС Менгарвыканкама не мае інфармацыі аб ўжыванне спецсродкаў, а таксама пацярпелых на акцыі пратэсту ў Мінску 8 лістапада, паведамляе «Спадарожнік».
Раней чытачы TUT.BY паведамлялі, што чулі воплескі ў раёне вуліцы Заслаўскай.
***
Сілавікі перакрылі праход у сквер ля Тэатра оперы і балета.
Разгон пратэстуючых ля Опернага тэатра.
***
Даўгая калона пратэстуючых ідзе ў бок Нямігі.
***
Калона, якая ідзе ад «Белай вежы», набліжаецца да Нямігі.
***
Калона людзей сабралася на вуліцы Кальварыйскай. На скрыжаванні вуліц Цэткін і Кальварыйскай адбыліся затрыманні. Людзі пачалі разбягацца.
***
Пратэстоўцы ідуць па Машэрава, а каля стэлы — затрыманні.
***
Так зараз выглядае тэрыторыя вакол стэлы.
***
Людзі ўцякаюць у двары ў раёне стэлы.
***
Частка людзей, якіх разагналі каля стэлы, сабралася на Кальварыйскай і калонай рухаецца станцыі метро «Маладзёжная».
***
Сілавікі перакрылі мост Праз Свіслач Каля Банка развіцця, паведамляюць Чытач. Людзі збіраюцца на скрыжаванні Машэрава І Старажоўскай.
***
З боку стэлы паток людзей ідзе ў бок гасцініцы «Юбілейная». Там іх сустракаюць сілавікі са шчытамі, якія перакрываюць праходы ў двары.Пачаліся затрыманні.
***
Калона людзей сыходзіць ад стэлы ў бок Машэрава.
***
Вось як выглядалі затрымання ў пачатку праспекта Пераможцаў. Невядомыя ў Балаклаве, бронекамізэльках, з дубінкамі і без апазнавальных знакаў затрымалі некалькіх чалавек, у тым ліку веласіпедыста, і адвялі іх у мікрааўтобус.
***
Фота за хвіліну да хапуна ў раёне стэлы.
***
Людзі збіраюцца недалёка ад стэлы «Менск – горад герой».
***
Дэманстранты пачалі збірацца ў цэнтрах гарадоў Беларусі а 12-й гадзіне.
Ужо зафіксаваны затрыманні на плошчы Свабоды ў Менску. Трох хлапцоў завялі ў аўтазак. Адзін з іх у чырвонай куртцы. У раёне ратушы шмат АМАП, аўтазакі.
Людзі збіраюцца на Нямізе і каля Катэдральнага касцёла. АМАП таксама стаіць пад мостам праз Нямігу. Пратэстоўцы ідуць у бок стэлы невялікімі групамі.
Раней Ланцуг міліцыі перакрыў ходнік на вуліцы Леніна ад плошчы Свабоды да праспекта Незалежнасці, меркаванага месца збору дэманстрантаў у Менску.
***
Сёння, 8 лістапада, як і кожную нядзелю, у Менску абвешчаная найбольш масавая за тыдзень акцыя пратэсту. Гэтым разам ёй далі назву «Марш народаўладдзя». Дэманстранты збіраюцца ў цэнтрах гарадоў Беларусі а 12-й гадзіне. На будынках у Менску зноў з’явіліся бел-чырвона-белыя сцягі. Сцяг на вуліцы Прытыцкага цягне на рэкорд. У цэнтр сталіцы «традыцыйна» сцягваюць вайсковую і спецтэхніку.
Якраз у гэтыя хвіліны ўдзельнікі збірацца каля ратушы ў Верхнім горадзе.
На скрыжаванні Леніна і Інтэрнацыянальнай выстраіліся сілавікі са шчытамі, да Ратушы пад’ехалі мікрааўтобусы з сілавікамі, стаяць на прыпынку.
Да 11 гадзінаў ачапілі Кастрычніцкую плошчу.
Беларускае Радыё Рацыя
Фота: tut.by
Глядзіце таксама
