Медыкі: Негатовасць і хлусня прывядуць да страшных вынікаў
Ілжывая інфармацыя ўладных структур і скрыццё праўды пра сітуацыю з каронавірусам у Беларусі не спрыяе падрыхтоўцы людзей да мер самазахавання падчас моцнай успышкі гэтай страшнай хваробы. Паўмеры не выратуюць у сітуацыі X. Панікі пакуль няма, чаго так дабіваецца ўлада, але няма і даверу да ўлады, кажуць людзі:
– У нас жа яго няма. Па тэлевізары кажуць, што ўсё добра.
– Ніхто нічога не робіць, і я нічога не раблю.
– Патэлефанаваў галоўнаму лекару, кажа, што няма ў нас нічога.
Негатоўнасць і хлусня прывядуць да страшных вынікаў, упэўнены кампетэнтныя спецыялісты:
– Я бачыла, як перадавалася чума свіней. У адным канцы вёскі з’явілася, і праз тыдзень паклала абсалютна ўсё. А наша начальства не прызнала, што гэта чума!
– Калі пойдзе першая хваля, як у Італіі, то першымі ахвярамі стануць медыцынскія работнікі. І ратаваць людзей ужо не будзе каму.
Паводле медыкаў, у медычных установах не хапае па-ранейшаму масак, пальчатак, шпрыцоў, дэзраствораў. Прадаўцы ў крамах таксама легкадумна адносяцца да мераў бяспекі.
Беларускае Радыё Рацыя
Фота: minsknews.by
