141-ы дзень пратэстаў
Беларусы працягваюць выкарыстоўваць стратэгію лакальных пратэстаў. 27 снежня на 141-ы дзень пратэстаў у Беларусі зафіксаваныя дзясяткі лакальных акцый: у Менску, Гародні, Баранавічах, Гомелі, Жодзіне, Заслаўі, Кобрыні, Лідзе, Магілёве, Вілейцы; пасёлках Сёмкава, Сонечны, Тарасава і аграгарадку Крупіца.
Валанцёрам вядомыя прозвішчы некаторых затрыманых. Ініцыятыва «Спісы затрыманых» на 17.50 сабрала прозвішчы 19 чалавек, якіх затрымалі падчас маршаў 27 снежня. Яны знаходзяцца ў Кастрычніцкім РУУС Менска.
* * *
Вечарам людзі выйшлі ў Зялёным Лузе ў Менску. Яны скандуюць :”Жыве Беларусь!”
* * *
Жыхары Вілейкі знялі на відэа акцыю на Вілейскім вадасховішчы.
Сотні людзей сёння выйшлі ва Уруччы.
Акцыя сёння прайшла ў Бараўлянах ля трасы М3.
У цэнтры сталіцы па праспекце Незалежнасці праскакаў вершнік на белым кані.
Жыхары Цэнтральнага раёна сталіцы выйшлі на акцыю салідарнасці ў падтрымку Прэс-клуба.
* * *
Акцыю салідарнасці зладзілі сёння таксама ў Гомелі.
* * *
Берасце. На вуліцы Савецкай зноў затрымалі пенсіянерку Алену Гнаўк. Гэта яе 11 затрыманне.
* * *
Серабранка сёння днём выйшла на акцыю.
Відавочцы знялі на відэа затрыманне на вуліцы Цікоцкага.
* * *
У раёне вуліцы Сапёраў у Менску відавочцы знялі на відэа вялікую колькасць спецтэхнікі сілавікоў.
* * *
У адным з мікрараёнаў на дрэвах з’явілася расцяжка, на якой віншуюць з Новым годам. На расцяжцы напісана: «З Новым годам! У год Быка без Пацука».
У мікрараёне Сокал прайшлі затрыманні, паведамляюць відавочцы.
* * *
На нядзельны шпацыр выйшла Масюкоўшчына.
Калона з нацыянальнай сімволікай у менскай Дамброўцы. Яны скандуюць: „Уключай мазгі, а не тэлевізар!”.
У мікрараёне Паўднёвы Захад сталіцы заўважылі аўтазакі, паведамляе tut.by.
Калона жыхароў мікрараёна Лебядзіны кандуе „Жыве Беларусь!”
* * *
Гародня. „Я выходжу”, — скандуюць жыхары мікрараёна Вішнявец.
Таксама яшчэ ў адным з раёнаў Гародні прайшло невялікае шэсце.
* * *
Апошнім часам нядзельныя акцыі праходзяць у новым фармаце: удзельнікі збіраюцца на лакальныя маршы ў дварах і раёнах.
У некаторых раёнах сталіцы ўжо з самай раніцы прайшлі акцыі салідарнасці з БЧБ-сцягамі, а ў асобных людзі прайшліся маршамі.
Як паведамляюць тэлеграм-каналы, ранішнія акцыі прайшлі ў раёне падшыпнікавага і трактарнага заводаў. Калона людзей, скандуючы „Жыве Беларусь!”, прайшла па раёне з бел-чырвона-белымі сцягамі.
У раёне станцыі метро «Спартыўная» сёння прайшла такая калона людзей з бел-чырвона-белымі сцягамі.
Жыхары Першамайскага раёна выстраіліся ўздоўж праспекта Незалежнасці ў ланцуг салідарнасці з бел-чырвона-белай сімволікай.
У мікрараёне Залатая Горка людзі выйшлі на раённы марш.
У Менску раніцай заўважылі калону спецтэхнікі.
