Менск: не каранцін, дык суботнік
Насуперак рэкамендацыям Сусветнай арганізацыі аховы здароўя менскія медыкі мусяць, акрамя вялікай нагрузкі ў лякарнях, выйсці на суботнік 25 красавіка. Альбо не выходзіць, але здаць грашовую суму з кожнага калектыву.
Актуальны стан мераў і падзей на сёння, 24 красавіка, у беларускай сталіцы прадстаўляе наш карэспандэнт Вольга Сямашка:
– За ўчорашні дзень зафіксавана максімальная колькасць новых хворых на COVID-19 за ўвесь перыяд назіранняў – 741 чалавек
Менскі трактарны завод абвясціў працоўныя канікулы для рабочых з 4 па 10 траўня.
Сталічныя службы таксі ўзялі на сябе дадатковую функцыю дастаўкі дробных грузаў па горадзе.
У Менску працягваецца збор плазмы ад асобаў, якія перахварэлі на COVID-19. Такі донарскі матэрыял дае значныя поспехі ў лекаванні пацыентаў, якія знаходзяцца ў цяжкім стане.
Міністэрства аховы здароўя звяртаецца да ўсіх з заклікам стаць донарам.
Сталічны гадзіннікавы завод «Луч» запусціў у продаж дабрачынную серыю гадзіннікаў «Час дапамагаць».
Менскія камунальныя службы запэўнілі, што апрацоўваць вуліцы і грамадскі транспарт сталіцы дэзынфікуючымі сродкамі працягнуць і пасля заканчэння перыяду пандэміі.
Беларускае Радыё Рацыя
Глядзіце таксама
