Менск: няма часу хварэць – «інтэграцыя» блізка
Колькасць выяўленых захварэўшых на каронавірус за дзень склала 936 чалавек. Такая стабільнасць падштурхнула афіцыйны Менск ізноў уступіць у перамовы пра інтэграцыю на роўных умовах падчас саміту пры дапамозе відэасувязі.
Актуальны стан мераў і падзей на сёння ў беларускай сталіцы прадставіць наша карэспандэнтка Вольга Сямашка:
– Па лічбах захварэўшых Беларусь абагнала Швецыю. Аднак беларускія паказнікі смерці ад інфекцыі, якія амаль у 20 разоў ніжэй за аналагічныя швецкія, выклікаюць пытанні.
Пацыенты Менскага гарадскога клінічнага анкадыспансеру скардзяцца на тое, што радыёлагічны корпус зачынілі для лячэння пацыентаў з каронавіруснай інфекцыяй. У выніку асобам з ракам шчытападобнай залозы масава адмяняюць планавае лячэнне.
Перахварэўшых на COVID-19 чакаюць у сталічным 6-м шпіталі ў якасці донараў імуннай плазмы.
Менскае ўпраўленне па барацьбе з эканамічнымі злачынствамі крымінальнай міліцыі працгявае адсочваць асобаў, якія прадаюць маскі і антысэптыкі у розніцу праз Інтэрнэт. А таксама на ўлік бяруцца прадпрыемствы, якія вырабляюць і пастаўляюць сродкі абароны не дзяржаўным закупшчыкам паводле рашэння Урада, а прыватным структурам альбо пасярэднікам.
У Менску адмянілі традыцыйныя выпускныя вечары. Атэстаты школьнікам выдадуць на рукі 10 чэрвеня.
Беларускае Радыё Рацыя, Менск
Глядзіце таксама
