Менск: поле каронацудаў
За дзень афіцыйная колькасць выяўленых хворых на COVID-19 склала 945 чалавек. У цэлым Беларусь абагнала нават Ісландыю з самым унікальна нізкім паказнікам смяротнасці па Еўропе ў 0,55%.
Актуальны стан мераў і падзей на сёння ў беларускай сталіцы прадставіла наш карэспандэнт Вольга Сямашка:
– Экспрэс-тэсты на каронавірусную інфекцыю паступілі ў сталічныя паліклінікі для паўторнага абследавання кантактаў 1-га ўзроўню. Тэсты робяць па медычных паказаннях. Выезды на дом для тэставання ажыццяўляюцца на мікрааўтобусах ад Менсксанаўтатранса, з адмысловымі перагародкамі медыкаў ад кіроўцы, каб захаваць дыстанцыю.
Менская ўрбаністычная платформа распачала даследаванне наконт таго, як пандэмія COVID-19 і самаізаляцыя паўплывалі на жыццё гараджан.
26 траўня ў Менску завяршаецца ацяпляльны сезон для медычных і навучальных установаў.
Найбольшую папулярнасць на рынку вакансій у сталіцы маюць прыбіральшчыкі памяшканняў, санітары, прадаўцы і кіроўцы.
Беларускае Радыё Рацыя
Глядзіце таксама
