Менск: святы каронавірусу не перашкода
З шостай раніцы да захаду сонца правялі менчукі дзень Радаўніцы на сталічных могілках. Пры гэтым па колькасці захварэўшых на COVID-19 Беларусь абышла Польшу.
Актуальны стан мераў і падзей на сёння ў беларускай сталіцы прадставіць наша карэспандэнтка Вольга Сямашка:
– Паводле ацэнак спецыялістаў, каронавірус распаўсюджваецца ў Беларусі такімі ж тэмпамі як і ў Расеі. Аднак афіцыйны паказнік смяротнасці ў Беларусі дагэтуль не адрозніваецца адэкватнасцю, якая б задаволіла грамадскасць.
Сталічныя падаткаплацельшчыкі пералічылі ў бюджэт амаль 3 мільярды рублёў. Аднак настроі ў прадпрымальнікаў нярадасныя: усе крызісныя непрыемнасці рассмокчуцца хіба за паўгода, а ў наступныя тры месяцы трэба будзе пакрыць усе папярэднія страты.
Новы школьны дзень у Менску праходзіць у напаўпустых класах. Амаль адна тысяча аб’яднанняў па інтарэсах у Менску пераведзена на дыстанцыйнае навучанне па шматлікіх просьбах бацькоў і навучэнцаў.
Сталічны Купалаўскі тэатр працягвае паказваць спектаклі анлайн і шые ахоўныя маскі.
На вуліцах Менска з’явілася сотня плакатаў з фотаздымкамі беларускіх артыстаў і словамі падтрымкі медыкам, якія змагаюцца з каронавірусам.
Беларускае Радыё Рацыя, Менск
Глядзіце таксама
