Менскі карона-Poker Face
Нягледзячы на бравурныя афіцыйныя заявы кіраўніцтва Беларусі і падрыхтоўку да парада 9 траўня, унутры сферы аховы здароўя ідзе латэнтная падрыхтоўка да мажлівай мабілізацыі ўсіх кадраў для патрэбаў барацьбы з каронавірусам.
Актуальны стан мераў і падзей на сёння ў беларускай сталіцы прадставіць наш карэспандэнт Вольга Сямашка:
Медычныя супрацоўнікі Менску абмяркоўваюць праект унутранага загаду, які абавязвае ўсіх спецыялістаў паліклінік перайсці да выканання абавязкаў тэрапеўтаў, каб прымаць хворых з тэмпературай. Прычым у сітуацыі, калі лекар сам захварэе на лёгкую форму каронавіруса – выхад на бальнічны не прадугледжаны. Такое імавернае абмежаванне правоў медыкаў з’яўляецца прыкметай падрыхтоўкі ўвядзення рэжыму ў Беларусі, падобнага да ваеннага становішча.
З 14 красавіка па 31 мая выкладчыкам Беларускага дзяржаўнага ўніверсітэту ў Менску дадзена магчымасць весці ўсе заняткі дыстанцыйна.
На рынку сталічнай нерухомасці адзначаецца рост цікаўнасці да складскіх памяшканняў, паколькі бізнес пачынае грунтоўна сыходзіць у анлайн-прастору з дастаўкай на дом. Усё больш менчукоў на вуліцах апранаюць ахоўныя маскі.
У вечаровы час вуліцы з большага бязлюдны.
Беларускае Радыё Рацыя
Глядзіце таксама
