Мікалай Статкевіч звярнуўся да святароў і вернікаў Беларусі
Адзін з лідараў Беларускага Нацыянальнага Кангрэса Мікалай Статкевіч звярнуўся да святароў і вернікаў усіх хрысціянскіх канфесій Беларусі.
Зварот:
Улады з ужываннем гвалту і арыштаў знеслі ў Курапатах каля 100 хрысціянскіх крыжоў. Адбылася не толькі знявага памяці дзясяткаў тысяч ахвяр сталінскіх рэпрэсій. Гвалтоўны знос крыжоў глыбока закранае нашыя хрысціянскія пачуцці.
У нядзелю 7 красавіка ў 12.00 каля Свята-Духава кафедральнага сабора на сталічнай плошчы Свабоды адбудзецца малебен у памяць нявінна забітых у Курапатах. Таксама мы памолімся, каб Гасподзь дараваў нам абразу Крыжа, на якім Ён прыняў пакуту дзеля нашага ўратавання.
Заклікаю святароў і вернікаў усіх хрысціянскіх канфесій узяць удзел у малітоўным сходзе на пл. Свабоды.
Слава Ісусу Хрысту!
Мікалай Статкевіч
Беларускае Радыё Рацыя
Глядзіце таксама
