Міжнародны дзень ёгі прайшоў у Берасці
На некалькіх пляцоўках можна было знаёміцца з настаўнікамі, тэхнікамі, школамі і накірункамі.
Прайшлі майстар-класы, развіваючыя і азнаямляльныя заняткі Хатха ёгі, Шры Шры ёгі, ДзэнЁгі, ёгі голаса, —распавяла адна з галоўных арганізатараў Ірына Лазоўская:
— Міжнародны дзень ёгі праводзіцца чацвёрты раз у свеце і трэці раз — у Берасці. Гэта практыка, якая можа гарманізаваць фізічны і псіхалагічны стан чалавека. Я гэтым займаюся і мне цікава, каб людзі шырэй даведваліся пра гэта. Мы ж дзеля чагосьці жывём, выконваем нейкую місію. І ў гэтай папулярызацыі такога выдатнага напрамку я бачу сваю ролю, сваю місію.
Удзельнікі Міжнароднага дня ёгі мелі магчымасць запісацца на курсы або задаць пытанні, звязаныя з тэхнікай практыкаванняў.
Поўны матэрыял слухайце ў далучаным гукавым файле:
Беларускае Радыё Рацыя, Берасце
Фота: ВКонтакте
