Моцны шторм абрушыўся на ЗША, ёсць загінулыя
Пяць чалавек загінула ў выніку шторму, што абрушыўся 6 лютага на паўднёвы ўсход ЗША. Аб гэтым паведамляе Associated Press.
Моцны зімовы шторм прынёс моцны вецер, ліўні і апоўзні ў дзясяткі паўднёва-ўсходніх штатаў ЗША. Дзясяткі мільёнаў жыхароў гэтай часткі ЗША атрымалі папярэджанні аб магчымай паводцы.
Фронт шторму разбурыў мабільныя дамы ў Місісіпі і Алабаме, выклікаў апоўзні ў Тэнэсі і Кентукі. З-за праліўных дажджоў і моцнай паводкі губернатар Вірджыніі Ральф Нортхем увечары 6 лютага аб’явіў у некалькіх раёнах штата надзвычайнае становішча.
Ад паводкі сур’ёзна пацярпелі паўднёва-ўсходнія раёны штата Кентукі. Надзвычайную сітуацыю абвясцілі ў акругах Харлан, Бэл, Нокс, Летчэр, Флойд. Дзясяткі дарог тут затоплены і завалены дрэвамі.
Амерыканская кампанія AccuWeather, што прадастаўляе паслугі па прагназаванні надвор’я па ўсім свеце, паведамляе, што з-за моцнага ветру каля 148 тыс. карыстальнікаў у штаце Фларыда засталіся без электрычнасці.
Работа міжнароднага аэрапорта Шарлот-Дуглас у Паўночнай Караліне была спынена на тры гадзіны, пакуль паветраную гавань аглядалі на прадмет пашкоджанняў пасля ўрагану. Дрэннае надвор’е выклікала масавыя затрымкі ў самым загружаным аэрапорце свету Хартсфілд-Джэксан Атланта днём 6 лютага, паведамляе CNN.
У выніку разгулу стыхіі загінулі чатыры чалавекі, дзясяткі пацярпелі, некалькі лічацца прапаўшымі без вестак. Колькасць загінулых і параненых можа ўзрасці, паколькі ліквідацыя наступстваў прадаўжаецца.
Сіноптыкі прагназуюць, што да канца бягучага тыдня ў населеных пунктах ад Тэхаса да Новай Англіі будуць назірацца моцныя снегапады, а на тэрыторыі ад Сярэдняга Захаду да Сярэдняй Атлантыкі пройдуць моцныя ліўні.
Фота: Associated Press
Глядзіце таксама
