На Берасцейшчыне часовая забарона выхаду на лёд
На Берасцейшчыне дзейнічае часовая забарона выхаду грамадзянаў на лёд. Гэты захад абумоўлены тым, што нягледзячы на маразы, лёд на вадаёмах рэгіёна небяспечны.
За год у вобласці адбыўся адзін трагічны выпадак на лёдзе. Гэта вынік руплівай працы, — адзначае супрацоўнік пінскай ратавальнай станцыі Ігар Кавалёў:
— Праводзіцца планавая, сістэмная я б сказаў работа па забеспячэнні бяспекі людзей на вадзе. Магчыма яна не такая дэманстратыўная, заўважальная і бачная, але галоўнае тут эфектыўнае рэагаванне. Таму і меры, якія тут прадпрымаюцца самага рознага плану, пачынаючы ад арганізацыйных, тэхнічных, адміністрыацыйных, прававых.
За першы тыдзень новага года ў краіне ў выніку правалу пад лёд загінула 4 чалавекі. Ратавальнікі, за парушэнне правілаў аховы жыцця на вадзе, вынеслі амаль паўтысячы папярэджанняў.
Пятро Савіч, Беларускае Радыё Рацыя, Пінск
