На лекцыю Уладзіміра Мацкевіча прыехала міліцыя
Філосаф Уладзімір Мацкевіч па запрашэнні жыхароў былога вайсковага гарадка ў менскім раёне Масюкоўшчына прачытаў перад дваравой суполкай лекцыю “Грамадзянская супольнасць”.
Падаем яе фрагмент:
– Швейцарцы – чатыры мовы. Дый у беларусаў да трыццаць восьмага года было чатыры дзяржаўных мовы. Ні мова, ні кроў, ні паходжанне вызначае нашу нацыянальнасць. Нацыянальнасць вызначае далучанасць да дзяржавы, да дзяржавы, якая гарантуе свабоду, роўнасць і братэрства. І пры гэтым яшчэ не проста гарантуе, а яна прадугледжвае, што мы, народ, гаспадары гэтай дзяржавы. Грамадзянская супольнасць, пачынаючы з канца васямнаццатага стагоддзя, стварыла сучасныя нацыі.
Падчас лекцыі, што праходзіла проста ў двары, прыехала міліцыя. Яе, па словах сведкаў, выклікаў байкер, які прыехаў з чырвона-зялёным сцяжком. Міліцыянты імкнуліся праверыць законнасць правядзення мерапрыемства, але, далі закончыць лекцыю.
Максім Каўняровіч, Беларускае Радыё Рацыя, Менск
Глядзіце таксама
