Настаўніку адарвуць галаву?
У сацыяльных сетках з’явіўся аўдыёзапіс канфліктнай сітуацыі. Там жа пазначана, што голас на запісе належыць начальніку аддзела па адукацыі Камянецкага райвыканкама (Віктар Грыцук) і актывісту ініцыятыўнай групы, які выступае за захаванне адзінай сярэдняй беларускамоўнай школы ў згаданым раёне (Павел Кендысь).
Спрэчка, па словах Паўла Кендыся, мела месца 14 студзеня ў будынку Амелянецкай сярэдняй школы падчас бацькоўскага сходу:
Павел Кендысь: Паважаныя бацькі, падыміце калі ласка руку, хто хоча, каб дзеці навучаліся тут?
Бацькі: Усе хочуць. Усе хочуць.
Голас: Вы хто?
Павел Кендысь: Я – настаўнік гэтай школы.
Голас: Сядзь! Сядзь!
Павел Кендысь: Дарагі вы мой, не трэба мне тыкаць.
Голас: Таму што дагуляешся.
Павел Кендысь: Вы пагражаеце?
Голас: Пагражаю!
Павел Кендысь: Што вы можаце мне зрабіць?
Голас: Галаву адарваць!
Павел Кендысь – настаўнік геаграфіі і фізкультуры апошняй сярэдняй беларускамоўнай школы Камянецкага раёна ў вёсцы Амелянец і адзін з аўтараў петыцыі да мясцовых уладаў аб яе захаванні.
Віктар Грыцук – чыноўнік аддзела адукацыі мясцовага райвыканкама, пры якім, паводле ягоных жа словаў, зачынілі ўжо шэраг установаў адукацыі раёна. Сярод іншых могуць зачыніць і Амелянецкую СШ.
Беларускае Радыё Рацыя
Фота: omelsc.kamenec.edu.by, dranik.org
Глядзіце таксама
