Назіральнікаў не дапусцілі назіраць за апячатваннем скрыняў
Парушэнні ў час датэрміновага галасавання. Іх зафіксавалі незалежныя назіральнікі ў Гародні. Хоць парушэнні не маюць масавага характару, але трэба звяртаць на іх увагу, – зазначае назіральнік кампаніі “Праваабаронцы за свабодныя выбары” і праваабаронца Раман Юргель:
– Старшыня адной з камісій некарэктна сябе павёў пры рэгістрацыі назіральніка БХК. Некарэктна выказаўся пра арганізацыю, якая яго накіравала. Па-першае. А па-другое, раніцай не дапусцілі назіраць за апячатваннем скрыняў.
На Гарадзеншчыне працуе тры кампаніі незалежнага назірання. Незалежныя назіральнікі шчыльна супрацоўнічаюць з місіяй назірання АБСЕ, якая ажыццяўляе маніторынг парушэнняў у час прэзідэнцкай выбарчай кампаніі.
Раман Юргель
Беларускае Радыё Рацыя
Глядзіце таксама
