Некаторыя палітвязні баяцца, што на іх забыліся і выкінулі з жыцця
Прыкладна праз два месяцы – столькі засталося да выхаду на волю палітвязня Вольгі Філатчанкавай. Выкладчыца беларускага дзяржаўнага ўніверсітэта інфарматыкі і радыёэлектронікі была асуджаная на два гады і шэсць месяцаў зняволення за нібы ўдзел у масавых беспарадках.
Сувязь з ёй падтрымліваецца пераважна праз лісты і тэлефанаванні – гэта самыя даступныя на сёння для родных сродкі камунікацыі, – распавяла яе сястра Мырыя Філатчанкава:
– А калі пішуць там са сваіх адрасоў сябры, знаёмыя – гэта практычна ўсё адсякаецца. І шматлікія скардзяцца, і нашы змоўшчыкі па гэтай справе, ды іншыя, што катастрафічна не хапае вось гэтага. Шмат хто разумее, што адбываецца, а шматлікія баяцца, што на іх забыліся і выкінулі з жыцця. На самой справе гэта не так, я ведаю, што пішуць усім, пішуць шмат. Але, на жаль, вось такое.
Вольга Філатчанкава была асуджаная па крымінальным палітычна матываваным артыкуле – 342 частка 1. Яна была спачатку ў зняволенні ў СІЗА КДБ і СІЗА №1, а пасля пераведзеная ў папраўчую калонію №4.
Беларускае Радыё Рацыя
