Новыя беларускія курсы ва Універсітэце Залатога веку
На два новыя беларускія курсы стала больш у гарадзенскім Універсітэце Залатога веку, які пачаў сваю працу ўжо восьмы раз.
Сёлета ў гэтай установе для сталых людзей будзе вучыцца 265 чалавек, якім большым за 55 гадоў. 41 пляцоўка з клубамі і курсамі, сярод якіх будуць і беларускія, такія, як „Беларускія вячоркі”, хор „Узвышша”, „Падарожжа ў часе і прасторы” ды іншыя. Сярод новых – курс „Сьцяжынамі літаратурнай Гарадзеншчыны”, які будзе весьці літаратарка Ала Петрушкевіч.
– Спачатку я напісала сваё пажаданне – чым больш, тым лепш, бо люблю вялікія аўдыторыі. А пасля зразумела, што можа быць праблема з памяшканнямі, з транспартам, бо ў нас будуць экскурсіі. І тады я сказала – да 20 чалавек, гэта аптымальная колькасць асобаў. Тыя, хто што-небудзь ведаюць пра мае кнігі, уяўляюць, што гэта за курс: ад Міцкевіча – да “Новага Замку”.
Яшчэ адзін новы курс, які пачынаецца ва Універсітэце Залатога веку – гэта гутарковы курс беларускай мовы: „Мова для размовы”.
Якуб Сушчынскі, Беларускае Радыё Рацыя, Гародня
Фота аўтара
