Някляеў, Саннікаў і Тарасэвіч намінаваныя да ўзнагароды Гедройца
Сёлета сямнаццаты раз будзе ўручацца ўзнагарода „Rzeczpospolitej” імя Ежы Гедройца. Яна прысуджаецца за дзейнасць у адпаведнасці з дзяржаўным інтарэсам Польшчы, якім ёсць паразуменне з народамі Цэнтральнай і Усходняй Еўропы.
Ежы Гедройц
У гэтым годзе журы вылучылі сем кандыдатаў.
Намінанты:
– прафесар Анджэй Суліма Каміньскі, гісторык Амерыканскага ўніверсітэта ў Джорджтаўн;
– Чарльз Мэріл малодшы, амерыканскі філантроп;
– доктар Адольф Юзвэнка, гісторык, дырэктар бібліятэкі Ossolineum у Вроцлаве;
– Уладзімір Някляеў і Андрэй Саннікаў, беларускія апазіцыянеры;
– доктар Вера Мэнёк, а таксама фонд «Музей і фестываль Бруна Шульца», прэзідэнтам якога яна з’яўляецца;
– прафесар Лявон Тарасэвіч, мастак і прафесар выяўленчага мастацтва;
– дацэнт Аляксандра Гнацюк, перакладчыца і папулярызатарка ўкраінскай літаратуры ў Польшчы.
Уладзімір Някляеў, Андрэй Саннікаў і Лявон Тарасэвіч
Лаўрэат будзе абвешчаны 4 снежня ў Палацы Рэчыпаспалітай у Варшаве.
Паводле rp.pl
Глядзіце таксама
