Па адным рублі – і ў школу мы пойдзем!
“Па рублі – і ў школу мы пойдзем!” – пад такой назвай на Піншчыне трывае дабрачынная акцыя па зборы ахвяраванняў да Дня ведаў для дзяцей з малазабяспечаных сем’яў і дзяцей з асаблівасцямі развіцця. Ініцыятыва належыць мясцоваму Цэнтру сацыяльных рашэнняў.
Па словах дырэктара арганізацыі Уладзіміра Гароха, дапамога да 1-га верасня будзе аказаная канкрэтным сем’ям:
– Нам тэрытарыяльна-гарадскі цэнтр сацыяльнага абслугоўвання даслаў спісы, рыхтуе спісы і раённы тэрытарыяльны цэнтр. На гэты момант у нас ужо 57 сем’яў, якім патрэбна такая дапамога. Людзі звяртаюцца па дапамогу. Канешне, мы патрабуем пэўныя дакументы – гэта і даведка пра склад сям’і, даведка пра даходы, калі дзіця з інваліднасцю, то пасведчанне.
У Цэнтры сацыяльных рашэнняў удакладняюць, што неабыякавыя пінчане не абавязкова могуць дапамагчы фінансава – валанцёры прымаюць канцэлярскія рэчы для школьнікаў і вопратку.
Беларускае Радыё Рацыя
Фота vsluh.ru
