Па канале Агінскага паплылі вянкі ў гонар загінулых
22 чэрвеня, у Слоніме на канале Агінскага, каля пешаходнага моста, адбылося ўшанаванне тых, хто загінуў на Слонімшчыне ў першыя дні вайны 1941 года.
Ушанаваць памяць тых, хто загінуў, прыйшлі вайскоўцы, моладзь, ветэраны Другой сусветнай вайны, святары, кіраўніцтва Слонімскага райвыканкама.
Ушанаванне распачаў каля канала Агінскага журналіст і даследчык Другой сусветнай вайны на Слонімшчыне Васіль Афанасік. Выступоўца спыніўся на ахвярах вайны, у прыватнасці, ён адзначыў, што за час вайны на Слонімшчыне была знішчана 31 вёска. Паміж Зальвянкай і Шчарай у слонімскай зямлі пакоіцца ад 40 да 60 тысяч салдат Чырвонай Арміі.
Пасля афіцыйнай часткі, слонімскі праваслаўны святар Уладзімір Бобчык асвяціў вянкі, якія апусцілі на ваду канала Агінскага.
[Not a valid template]
Барыс Баль, Беларускае Радыё Рацыя, Слонім
Фота аўтара
