Пад бел-чырвона-белым сцягам слонімцы ўшанавалі землякоў
25 сакавіка сябры Слонімскага згуртавання дэмакратычных сіл у цэнтры Слоніма ўсклалі кветкі да помніка Льву Сапегу.
А потым наведалі вёску Парэчча, дзе на мясцовых могілках знаходзіцца мемарыяльны знак, прысвечаны аднаму з кіраўнікоў паўстання супраць расейскага царызму 1830-1831 гадоў Міхала Валовіча (1806-1833), і таксама ўсклалі кветкі.
Пасля Парэчча слонімцы паехалі на гарадскія могілкі, дзе пахаваны Іван Шэга (1953—2016) – вядомы доктар, грамадскі актывіст, былы кіраўнік установы “Шэгамедкансульт”. На яго магілу таксама ляглі свежыя кветкі. Тым больш, што 25 сакавіка – дзень нараджэння Івана Шэгі. Слонімцы ўшанавалі памяць пра яго хвілінай маўчання. Такім для сяброў Слонімскага згуртавання дэмсіл атрымаўся дзень 25 сакавіка.
Аксана Шпак, Беларускае Радыё Рацыя, Слонім
Фота аўтара
Глядзіце таксама
