Падары дзецям навагоднюю казку!
Такую традыцыйную акцыю ў Берасці распачалі прадстаўнікі грамадскай арганізацыі ’’Чырвоны Крыж’’. Яны ўсталявалі адмысловыя скрынкі ў некалькіх гандлёвых кропках горада. Усе сабраныя сродкі пойдуць на падарункі дзецям з анкалагічнымі захворваннямі, дзецям, якія хворыя на цэрэбральны параліч, і дзецям з сацыяльна-небяспечных сем’яў, – расказвае старшыня берасцейскай гарадской арганізацыі ’’Чырвоны Крыж’’ Ніна Саванеўская:
– Кожнаму прыемна, што напярэдадні Новага года пра іх нехта клапоціцца і думае. Мне падаецца, што нашай акцыяй мы дамагаемся галоўнага – дзеці адчуваюць, што яны не засталіся сам-насам, што іх любяць і пра іх клапоцяцца.
Як адзначыла Ніна Саванеўская, яшчэ адна з мэтаў акцыі – гэта прыцягненне ўвагі грамадства да дзяцяй з нялёгкай жыццёвай сітуацыяй. Зрабіць свае ахвяраванні ў гандлёвых кропках горада можна да канца месяцу.
Беларускае Радыё Рацыя, Берасце
Фота sozvezdieserdec.ru
Глядзіце таксама
