Паліну Шарэнду-Панасюк зноў будуць судзіць
Суд над палітзняволенай Палінай Шарэндай-Панасюк можа пачацца 16 траўня ў Рэчыцы, паведаміў яе муж Андрэй Шарэнда. «Дата вызвалення была прызначаная на 6 жніўня 2023 года, але цяпер усе тэрміны сцерліся», — напісаў ён.
Крымінальная справа пачатая зноў па частцы 2 артыкула 411 КК («злоснае непадпарадкаванне патрабаваннем адміністрацыі папраўчай установы»). У красавіку Паліна атрымала яшчэ адзін год калоніі па такім жа артыкуле.
Паліну Шарэнду-Панасюк затрымалі ў пачатку студзеня 2021 года і затым асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі.
Беларускае Радыё Рацыя
