Палітзняволеная Марфа Рабкова зноў страчвала прытомнасць
Палітзняволеная праваабаронца “Вясны” Марфа Рабкова зноў страчвала прытомнасць. Першы раз такая інфармацыя была месяц таму — тады, у канцы чэрвеня, з-за анамальнай спёкі Марфа страчвала прытомнасць у камеры.
Пра цяперашні інцыдэнт паведамляе Ева Бардзілоўская:
– Марфа Рабкова страціла прытомнасць падчас шпацыру ў СІЗА-1, там яна знаходзіцца з 17 верасня 2020 года. Вядома, што лекар памераў Марфе артэрыяльны ціск — ён склаў 80 на 60, а гэта, згодна з дадзенымі Сусветнай арганізацыі аховы здароўя, з’яўляецца гіпатаніяй (паніжаным артэрыяльным ціскам). Усё гэта здарылася 25 ліпеня.
Марфа Рабкова адчувае слабасць і знаходзіцца на пасцельным рэжыме ў сваёй камеры. Таксама яна ўжо два месяцы мае патрэбу ў стаматолагу, але ёй у гэтым адмаўляюць.
Марфа Рабкова абвінавачваецца па трох артыкулах крымінальнага кодэкса, па якіх ёй пагражае да 12 год зняволення.
Праваабарончы цэнтр “Вясна” заклікае падтрымаць іх калегу лістамі салідарнасці:
Адрас: СІЗА-1, вул. Валадарскага, 2, г. Менск, 220030
Марыі Аляксандраўне Рабковай
Беларускае Радыё Рацыя
Глядзіце таксама
