Памяці знаўцы прыроды Палесся
Сем год таму ў Пінску не стала вядомага эколага, фатографа і краязнаўца Аляксея Дуброўскага.
Ён адзін з першых у краіне асудзіў меліярацыю Палесся, а ў сваёй кнізе “Палігон” узняў праблему існавання дачарнобыльскай радыяцыі на Століншчыне ў раёне Мярлінскага палігону.
Па словах намесніцы старшыні Таварыства экскурсаводаў і гідаў-перакладчыкаў Таццяны Хвагінай, постаць Дуброўскага нельга кімсьці замяніць:
– Кажуць, што вось няма незаменных. Не. Гэта няпраўда. Гэта ўсё выдумалі ў сталінскія часы. Калі чалавек быў носьбітам пэўных ведаў і пэўнай харызмы, ніяк мы іншым яго не заменім. Няма клона такога, каб замяніць гэтага чалавека. Як ехалі сюды шведы, галандцы, французы, яны ехалі да Дуброўскага. І Дуброўскі быў сімвалам прыродазнаўчых экскурсій па Палессі.
Таксама Аляксей Дуброўскі вядомы, як грамадскі дзеяч. Амаль на працягу дзесяці год ён з’яўляўся дэпутатам Пінскага гарадскога Савета.
Беларускае Радыё Рацыя
Фота svaboda.org
Глядзіце таксама
